Na Bhooli Hun, Na Bhoolungi…

4 May

College ki bus mein thus-thus kar jaana

driver ke “peeche bohot jagah hai” keh jaana

pehle din dean ka “this is the best college” btana

humara bhi majaak mein haskar, mann mein proud ho jaana

lekin ragging ke darr se jaldi ghar bhaag jaana

na bhooli hun, na bhoolungi.

 

Crimes ki class ke liye subah 9 baje aana

har class ko attendance ke liye attend karna

Saloni ka classes me Dan Brown padh jaana

har semester ke shuru me AC class ko hathiyanana

na bhooli hun, na bhoolungi

 

Contract law ke lecture mein “doosri” class me jaana

Ritu ma’am ka “shaant rahiye” kehkar halka sa smile kar jaana

1st semester ka finally result aana

result aane ke time pe paper kaun kaun se diye the, ye bhool jaana

champu hairstyles se step cut  ka daur aana

na bhooli hun, na bhoolungi

 

Dean- students ke protest mein, semester kya hota hai ye bhool jaana

VC office, kabhi library, kabhi playground ke saamne dharne par baith jaana

fourth -semester ke baad third-sem ka result aana

aage ke semesters mein teachers ka “protest mein gye the aap log?” puch jaana

humara bhi haan bharke poora lecture tapaana

na bhooli hun, na bhoolungi

 

har project viva mein next student ka “kya poocha, kya poocha” question uthana

Rahul- Digvijay ke saath woh silent vivas dekar aana

Apurva ka har exam se pehle “fucked up” keh jaana

Nidhi ka har semester exams mein ek nya tv-show start karne ka exam ritual nibhana

na bhoooli hun, na bhoolungi

 

Tez baarish me sneh ke saath bheegte hue jaana

Saloni ko har semester me detention ka darr dikhana

Shikha ka “tujhe pta chala?” style me gossip sunaana

humaara bhi interest lekar doosre din bhool jaana

na bhooli hun, na bhoolungi

 

Saloni ka “At 8 at RC… don’t be late” message karke 8:45 par aana

Abhishek se har paper se pehle photocopy karwana

Sneh ka “2 saal baad pata lagega tumhe ki main kya kar rhi hun” keh jaana

Kanika ka “yaar mera kya hoga” soch ke yuhin tensioniyana

na bhooli hun, na bhoolungi

 

Varun ka har serious baat ko majaak banakar keh jaana

Kokila ka cute cute cheezon ka pradarshan kar jaana

pen kho jaane par gham manaana

par kisi aur ka bhi pen ghum hua, ye jaankar usi ke saamne hans jaana

na bhooli hun, na bhoolungi

 

CrPc ke viva me Ma’am ka “beta padh lo” keh jaana

mere viva ke reaction se sonali ka darr jaana

exam time me metro me chakkhallas karte hue aana

college aakar lunch aur coffee gatakane ka prime motive poora kar jaana

na bhooli hun, na bhoolungi

 

aansoo to nhi, khushi hai

koi gham nhi, sirf hansi hai

kuch peeche reh jayega, aisa koi darr nhi

kyunki jiye hai aise, jiski koi umar nhi…

 

IF I have offended anyone or made anyone happy, I am truly sorry for both because that’s who I am and that’s how I want you to remember me. You guys can add lines if you want. I know this is not the way it should end, but it should begin.

I wouldn’t complain because if what we were wanting to happen would have happened then what actually happened wouldn’t have happened and what happened was more beautiful than we could ever thought of happening.
KEEP IN TOUCH. KEEP SMILING.

strangers_to_friends_board

Advertisements

2 Responses to “Na Bhooli Hun, Na Bhoolungi…”

  1. ajayvyas November 18, 2015 at 3:02 pm #

    ahhhh i can recall my coll momets now this is so beautifully written

    • harshdamangal7 November 24, 2015 at 12:26 pm #

      Thank You very much 🙂 I am glad that you liked it 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: